વૃક્ષ બની ખીલવાના ક્યાંથી પૂરા થાશે કોડ?
હું રોડ વચાળે ઊભેલા ડિવાઇડર પરનો છોડ.
મનેય થાતું પંખી આવે, ખૂબ ટહુકે, માળો બાંધે,
જરા ગોઠવી તણખલાઓ મારી અંદર કશુંક સાંધે.
પહેરેદાર બની ઊભો છે બંને બાજુ રોડ;
હું રોડ વચાળે ઊભેલા ડિવાઇડર પરનો છોડ.
ચરણ ચાલવા, જીભ બોલવા, ક્યાં છે કોઈ દિલાસો?
કંટાળું તોય માનવ માફક ખાઈ શકું ના ફાંસો.
તૂટક તૂટક જીવતર એમાં લાખો છે તડજોડ,
હું રોડ વચાળે ઊભેલા ડિવાઇડર પરનો છોડ.
– અનિલ ચાવડા
આડી ને અવળી હોય છે હસ્તરેખાઓ, કદી ક્યાં સવળી હોય છે હસ્તરેખાઓ. પિંડ સાથે એ તો રચી હોય વિધાતાએ, કયાં...
ચકલીઓનો મીઠો ચહેકાર મારી આંખ ખોલે તો! વળી, એનો પૂરો પરિવાર મારી આંખ ખોલે તો! પ્રભાતે આંગણે આવે વિહરવા ઢેલ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
આજ મને મોરપીંછનાં શુકન થયાં, સખી…. ચપટી નીંદર વીણવા અમે ટેવનાં માર્યાઁ બોરડી કને ગયાં, સખી આજ મને મોરપીંછનાં શુકન...
દધીચી થકી જ વ્રજ થાય છે જે કરે છે તેની જ ફરજ થાય છે આદરનો મતલબ ગરજ થાય છે પ્રાણ...
પકડો કલમ ને કોઈ પળે, એમ પણ બને આ હાથ આખે આખો બળે, એમ પણ બને જ્યાં પહોંચવાની ઝંખના વરસોથી...
