કાંકરી અકબંધ રહેવી જોઈએ
માટલી અકબંધ રહેવી જોઈએ
દૂરતા વરસોવરસ મંજૂર છે
લાગણી અકબંધ રહેવી જોઈએ
આ વિચારે, વાપરી સ્હેજે નહીં
સાદગી અકબંધ રહેવી જોઈએ
માનતાની ચૂંદડી બંધાય છે
ડાળખી અકબંધ રહેવી જોઈએ
પાંચ ચીજો સામટી આપી છે તેં
સામટી અકબંધ રહેવી જોઈએ
આફતોને ભેટવાની ટેવ છે
પાંસળી અકબંધ રહેવી જોઈએ
જિંદગીના સાવ છેલ્લા શ્વાસની
બાતમી અકબંધ રહેવી જોઈએ
ચોતરફ થાતી ઊથલપાથલ ભલે
સાદડી અકબંધ રહેવી જોઈએ
લાશની અંતિમક્રિયા જલ્દી કરો
તાજગી અકબંધ રહેવી જોઈએ
ભાવિન ગોપાણી
આડી ને અવળી હોય છે હસ્તરેખાઓ, કદી ક્યાં સવળી હોય છે હસ્તરેખાઓ. પિંડ સાથે એ તો રચી હોય વિધાતાએ, કયાં...
ચકલીઓનો મીઠો ચહેકાર મારી આંખ ખોલે તો! વળી, એનો પૂરો પરિવાર મારી આંખ ખોલે તો! પ્રભાતે આંગણે આવે વિહરવા ઢેલ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
આજ મને મોરપીંછનાં શુકન થયાં, સખી…. ચપટી નીંદર વીણવા અમે ટેવનાં માર્યાઁ બોરડી કને ગયાં, સખી આજ મને મોરપીંછનાં શુકન...
દધીચી થકી જ વ્રજ થાય છે જે કરે છે તેની જ ફરજ થાય છે આદરનો મતલબ ગરજ થાય છે પ્રાણ...
પકડો કલમ ને કોઈ પળે, એમ પણ બને આ હાથ આખે આખો બળે, એમ પણ બને જ્યાં પહોંચવાની ઝંખના વરસોથી...
