થઈ ગ્યું મિલન, પ્રચાર કરો, રાત જાય છે,
પડછાયા સાથે પ્યાર કરો, રાત જાય છે.
બેઠા છો એમ જાણે હશે ચાંદનીનું કામ,
સચ્ચાઈનો સ્વીકાર કરો, રાત જાય છે.
વાતો ઘણી થઇ ને ખુલાસા ઘણા થયા,
થોડો હવે તો પ્યાર કરો, રાત જાય છે.
પાગલ છો ચાંદનીને કહો છો કે “જા નહીં”
કંઈ એનો તો વિચાર કરો, રાત જાય છે.
લ્યો આવી પહોંચી જીવના આરામની મજલ,
આંખોના બંધ દ્વાર કરો, રાત જાય છે.
“સૈફ” એને શું તમારી મહોબ્બતની કંઈ શરમ
બેસો-ને ઇંતેજાર કરો – રાત જાય છે.
સૈફ પાલનપુરી
ખૂશ્બૂમાં ખીલેલાં ફૂલ હતાં, ઊર્મિમાં ડૂબેલાં જામ હતાં, શું આંસુનો ભૂતકાળ હતો – શું આંસુનાં પણ નામ હતાં ? થોડાક...
શાંત ઝરૂખે વાટ નિરખતી રૂપની રાણી જોઇ હતી મેં એક શહજાદી જોઇ હતી…… એના હાથની મહેંદી હસતી’તી, એની આંખનું કાજળ...
રાત જશેને સવાર આવશે , માની લઉ હું ? વરસ નવું દમદાર આવશે , માની લઉ હું ? સૂરજને હું...
માનવનો દેહ લઈને, માનવ બની શક્યો કે? સૌને પૂછે ભલે તું, ખુદને પૂછી શક્યો કે? તારી જ આજુબાજુ, લાખ્ખો રડી...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
