મને નહીં ફાવે સઘળું સમજાવવું!
અંતરમાંહેથી જે ઊલટથી આવે એને કેમ કરી શબ્દોમાં ઢાળવું?
મને નહીં ફાવે સઘળું સમજાવવું!
પ્રેમની feelingsને તો ફીલવાની હોય એમાં શાને તું description માંગે?
હૂંફાળો સ્પર્શ એ તો otc product છે, એમાં કાં prescription માંગે?
એકમાં ઊમેરાય એક તો ય થાય એક, એમાં logic શું લગાવવું!?
મને નહીં ફાવે સઘળું સમજાવવું!
દિવસ ને રાત સતત રહીને online હવે કહી દો કે ચેટવાનું કેટલું?
બીડેલી આંખોમાં ઊઘડે webcam, પછી સપનામાં વેઠવાનું કેટલું?
મનમાં જે હોય એને tweet કરી દઈએ, પણ હૈયાનું હેત ક્યાં સમાવવું?
મને નહીં ફાવે સઘળું સમજાવવું!
~ હિમલ પંડ્યા
