દૂરનું દેખતો આદમી ય અંધ થાય,
જ્યારે વિના પરિચય સંબંધ થાય.
લખતા લખતા બસ, એટલું લખાયું,
અઢી અક્ષરમાં ય આખો નિબંધ થાય.
પ્રભુને પણ ક્યારેક આરામ જોઈએ,
દ્વાર એટલે જ મંદિરના ય બંધ થાય.
કોઈની યાદ જ હોય છે એવી યારો,
યાદ આવે અને સુગંધ સુગંધ થાય.
ઇશ્કમાં પણ એવું કદી કદી થાય છે,
કામકાજ ચાલુ રહે, રસ્તો બંધ થાય.
કોઈ મારી યાદમાં દૂર ડૂસકાં ભરે છે,
અહીંયાં ભીનો ભીનો મારો સ્કંધ થાય.
શમા જલાવીને બેસી રહ્યો છે નટવર,
કોઈ આવે તો મહેફિલનો પ્રબંધ થાય.
~ નટવર
આડી ને અવળી હોય છે હસ્તરેખાઓ, કદી ક્યાં સવળી હોય છે હસ્તરેખાઓ. પિંડ સાથે એ તો રચી હોય વિધાતાએ, કયાં...
ચકલીઓનો મીઠો ચહેકાર મારી આંખ ખોલે તો! વળી, એનો પૂરો પરિવાર મારી આંખ ખોલે તો! પ્રભાતે આંગણે આવે વિહરવા ઢેલ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
આજ મને મોરપીંછનાં શુકન થયાં, સખી…. ચપટી નીંદર વીણવા અમે ટેવનાં માર્યાઁ બોરડી કને ગયાં, સખી આજ મને મોરપીંછનાં શુકન...
દધીચી થકી જ વ્રજ થાય છે જે કરે છે તેની જ ફરજ થાય છે આદરનો મતલબ ગરજ થાય છે પ્રાણ...
પકડો કલમ ને કોઈ પળે, એમ પણ બને આ હાથ આખે આખો બળે, એમ પણ બને જ્યાં પહોંચવાની ઝંખના વરસોથી...
