મહોબ્બત છે…

આ વ્યથાઓ,આ ઘટનાઓ અમારી બહુ જ અંગત છે,
એ રસ્તા,એ ગલીઓથી હજી પણ કેમ નિસ્બત છે?

જીવનનાં આખરી ક્ષણની અમારી આ મહોબ્બત છે,
ચહેરા, લાગણીઓ સાથ નાખ્યા આગમાં ખત છે.

હું હમણાંથી સમજતો થ્યો છું ઝાકળ-પુષ્પનો સંબંધ,
થયું સાબિત, મને હમણાંથી કોઈ સ્ત્રીની સંગત છે.

અહીં જાહોજલાલીની અપેક્ષા કોણ બાંધે છે?
અમાારે જીવવા માટે ફકત શ્વાસો ગનીમત* છે.

કોઈ માટે હતાં અનમોલ એ પણ યાદ આવ્યું આજ,
કે કાગળમાં મળી આવેલ ફૂલોની આ કિંમત છે.

તમારાંથી હું જ્યાં છેલ્લી વખત મળ્યો હતો દિલથી,
મને એ સ્થાનથી આજેય પણ સાચી મહોબ્બત છે.

અમારાથી વધારે કોણ પથ્થર દિલ બને ‘અદ્ભુત’,
તને કોઈક બીજા સાથ જોવાનીય હિંમત છે.

– કિશોરસિંહ જાડેજા ‘અદ્ભુત’