બધાએ કહ્યું : ‘આ મનોરમ્ય સ્થળ છે !’
આ બાજુ તરસ છે આ બાજુએ જળ છે !
ચરણ મનને છે નહીં ને પંગુ નથી પણ
ભુજાઓ નથી કિન્તુ હસ્તિનું બળ છે
બધું યાદ કરવું કઠણ હોય ત્યારે
બધું ભૂલવું એટલું ક્યાં સરળ છે ?
સરોવર સમી આંખમાં છે ઉદાસી
ને સ્મરણોય એમાં ખીલેલાં કમળ છે!
તમારો અનુભવ અલગ પણ હશે કંઈ
મને લાગ્યું : આકાશ આખ્ખુંય છળ છે!
હથેળીમાં ઝળઝળિયાં ટપકી પડ્યાં છે
તો પંડિત વદ્યા કે, આ ઈચ્છાનું ફળ છે
એ નજદીક છે એક હલેસાં સુધી
તસુભાર એનાથી આઘે વમળ છે !
– ભરત ભટ્ટ
ચહેરા પાછળ ચહેરા પાછળ ચહેરા. સાચ ઉપર આ દંભ,જૂઠના કેટકેટલાં પહેરા. માણસને ના કોઈ ઓળખે. હજાર એના મહોરાં. ચકચકતી એ...
જાણે કે ચોરોએ આખુંયે ઘર લૂંટ્યું હોય છે, મનમાં આવેલું સ્વપ્ન એવું જ તૂટ્યું હોય છે. વીતતી રાતને કોરી ખાય...
રાત જશેને સવાર આવશે , માની લઉ હું ? વરસ નવું દમદાર આવશે , માની લઉ હું ? સૂરજને હું...
માનવનો દેહ લઈને, માનવ બની શક્યો કે? સૌને પૂછે ભલે તું, ખુદને પૂછી શક્યો કે? તારી જ આજુબાજુ, લાખ્ખો રડી...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
