એ પીપડ, એ આંગણ, સદન યાદ આવે,
એ પીપડ, એ આંગણ, સદન યાદ આવે,
મને ગામડાનું જિવન યાદ આવે.
અગાશીએ બોલે સદા કાગ વાણી,
ને પંખીનો કલરવ, કવન યાદ આવે.
ઉભા મોલ, વાડી ને ખેતર એ લીલાં,
અને માંચડાનું શયન યાદ આવે.
પનિહારીઓનું વદન લાજમાં હો,
છતાં મંદ હાસ્યે ઇજન યાદ આવે.
પગે ઝાંઝરી વાગતી છન છનાછન,
શરમથી ઝૂકેલાં નયન યાદ આવે.
કહીં વાગે પાવો, કહીં એકતારો,
અને ગામચોરે સ્વજન યાદ આવે.
હતી મંગલાઆરતી જ્યાં પરોઢે,
થતાં સાંજ ટાણે ભજન યાદ આવે.
-હેમા ઠક્કર “મસ્ત”
ફૂલને ક્યાં કાયમ ભ્રમર સંગત હોય છે, ગૂંજન કરી એ ચૂમે એની રંગત હોય છે. વૃત્તિથી નાહક કેવો બદનામ થયો...
ઝેરનો પ્રશ્ન ક્યાં છે, ઝેર તો હું પી ગયો, આ બધાને એ જ વાંધો છે કે હું જીવી ગયો. હું...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
માન્યતા જૂદી તમારી, મારી શ્રદ્ધા છે જૂદી બેઉને બંને મુબારક, શું જરુર વિખવાદની ? તમને જે લાગે તે હોવાનું જ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
