હૈયું મ્હેક્યું
ટીપે ટીપે આજે મારુ વાદળ કેવું ટહુકયું
ધીમે ધીમે કોઈ મજાનું હૈયે આવી મ્હેક્યું
અરધા કાચા , અરધા પાકા
ઉજાગરાને ને આઘો ઠેલો
શમણાંના સથવારે આવે
દરિયો આખો ઘેલો – ઘેલો !
છલક છલકતી હૈયા ધારે આખોનું નીર છલકયું ….
ટીપે ટીપે આજે મારુ…..
શોનલ વરણી કાયામાંથી
ચીસ સામટી જાગી
હરખેથી દોડીને હું તો
દરિયો પીવા ભાગી
અલક – મલકનું ગીત મધુરું વાલમજીનું ગહેકયું …..
ટીપે ટીપે આજે મારુ…..
મધમધ થાવું ને મલકાવું
ગમતીલા સંગાથે
વ્હાલપનો વરસાદ ઝીલીને
રહુ બલમજી સાથે
નાજુક ને નખરાળું હૈયું ઝાંઝરમાં જઈ બહેક્યું ….
ટીપે ટીપે આજે મારુ…..
– હર્ષિદા દીપક
