થતું હોય જે, તે થવાનું, થવાદે
કશું કયાંય તારૂં જવાનું,થવાદે.
હતી ધારણા એ , ફકત હું કરૂં છું
કરે છે બધું એજ છાનું , થવાદે.
હતી ફૂલ ને કયાંય ખુદની ખબર પણ
છતાં ખુશ્બૂ કાઢે ન બ્હાનું, થવા દે.
નહોતી ખબર કેમ દીપક બુઝાયો..
પછી નામ દે એ હવાનું,થવા દે.
હતી પ્યાસ ‘ચાતક’ તને કૈં જનમથી
વરસતી કૃપા પણ ન માનું,થવા દે.
વિનોદ માણેક ‘ચાતક’
આડી ને અવળી હોય છે હસ્તરેખાઓ, કદી ક્યાં સવળી હોય છે હસ્તરેખાઓ. પિંડ સાથે એ તો રચી હોય વિધાતાએ, કયાં...
ચકલીઓનો મીઠો ચહેકાર મારી આંખ ખોલે તો! વળી, એનો પૂરો પરિવાર મારી આંખ ખોલે તો! પ્રભાતે આંગણે આવે વિહરવા ઢેલ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
આજ મને મોરપીંછનાં શુકન થયાં, સખી…. ચપટી નીંદર વીણવા અમે ટેવનાં માર્યાઁ બોરડી કને ગયાં, સખી આજ મને મોરપીંછનાં શુકન...
દધીચી થકી જ વ્રજ થાય છે જે કરે છે તેની જ ફરજ થાય છે આદરનો મતલબ ગરજ થાય છે પ્રાણ...
પકડો કલમ ને કોઈ પળે, એમ પણ બને આ હાથ આખે આખો બળે, એમ પણ બને જ્યાં પહોંચવાની ઝંખના વરસોથી...
