આખરી શ્વાસ ચૂંટવા માંગે,
આ જન્મારો છૂટવા માંગે !
ટુકડે ટુકડા કરી નિજના,
આ દિલ તો બસ તૂટવા માંગે !
રાહ પર કોઈની રાહ પણ ના જોવે,
એ તો ચાલ્યા કરે !
ખૂટે છે પહેલાથી જ તેમ છતાંય,
ક્ષણો તો ખૂટવા માંગે !
ભૂલવાનું એ ભૂલે નહિ,
ને યાદ રાખવાનું ભૂલી જવાય !
અહીં તો સૌ કોઈ મનુજ,
બીજાની ભૂલોને ઘૂંટવા માંગે !
‘અક્ષ’, એવા લોકોની હિંમત પણ દાદ દેવા જેવી છે,
બીજાનું વિચારવું તો દૂર,
અણહકનું પણ ઝૂંટવા માંગે !
થાય કોના પર, ને કોના પર ન થઈ શકે વિશ્વાસ અહીં?
બીજાની તો શું વાત કરવી?
પોતાના પણ લૂંટવા માંગે!
– અક્ષય ધામેચા “અક્ષ”
