ખુદા રસ્તો દેખાડે,ચાલવું તો ખુદને જ પડે;
સામે હો આયના છતાં,ભીતર ઝાંકવું તો ખુદને જ પડે.
આલીશાન ઈમારત સમ ટકાવવા સંબંધોને;
પાયાનો પથ્થર બની, ધરબાવું તો ખુદને જ પડે.
પૂછો વાંસળીને હોઠો સુધી કંઈ અમથું નથી પોહચાતું!
પામવા પ્રેમને, કપાવું તો ખુદને જ પડે.
પવિત્રતા ની પરીક્ષા તો અગ્નિ સાક્ષીએ લઈ લીધી!
શું નઈ હોય ખબર રામને,ગુમાવવું તો ખુદને જ પડે?
શું ફાયદો મળ્યો સાથ કુહાડાને દઈને?
ઊભા રહેશો સામે તોયે, વેરાવું તો ખુદને જ પડે.
રાજશી બારિયા
બોલવું તલવાર શબ્દો મ્યાન રાખો. બોલનો છે તોલ એનું ભાન રાખો. હો ધ્વનિ પણ મંદ્ર સપ્તકનો ભલેને. બસ જરા મીઠી...
મોટા ભાઈને પગલે-પગલે, ચાલે જે નાનો ભાઈ, અંતરથી જે અનુસરે, અનુજ એ કહેવાય. રઘુનંદનનો પડછાયો થઈ, લક્ષ્મણ વનમાં જાય. શત્રુઘ્નને...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
આજ મને મોરપીંછનાં શુકન થયાં, સખી…. ચપટી નીંદર વીણવા અમે ટેવનાં માર્યાઁ બોરડી કને ગયાં, સખી આજ મને મોરપીંછનાં શુકન...
દધીચી થકી જ વ્રજ થાય છે જે કરે છે તેની જ ફરજ થાય છે આદરનો મતલબ ગરજ થાય છે પ્રાણ...
પકડો કલમ ને કોઈ પળે, એમ પણ બને આ હાથ આખે આખો બળે, એમ પણ બને જ્યાં પહોંચવાની ઝંખના વરસોથી...
