ઘણો સમય થયો કંઇક લખ્યે,
આજે ફરી લખવા બેઠી પણ,
શબ્દો જ ખૂટી ગયા
ઘણો સમય થયો લાગણીઓ વ્યક્ત કર્યે,
આજે ફરી કલમ હાથમાં લીધી પણ,
કાગળના પાના કોરા જ રહી ગયા
ધણો સમય થયો સાંજના અજવાળામાં રહ્યે,
આજે ફરી આમ બેસવાનો લ્હાવો મળ્યો પણ,
થોઙી જ વારમાં ચાંદની પથરાઇ ગઇ
ધણો સમય થયો કોરા કાગળ પર જીવ રેઙ્યે,
આજે ફરી પોતાનો સમય આપ્યો પણ,
રચનાને આકાર આપતા સ્યાહી જ ઢોળાઇ ગઇ
ધણો સમય થયો આમ પાણીમાં રમત રમે,
આજે ફરી બાળક બનવું છે પણ,
જ્યારે રમત શરૂ કરી ત્યારે ખબર પઙી કે ઓટ આવી ગઇ
ધણો સમય થયો આમ વગઙામાં રખઙે,
આજે ફરીથી આ વગઙામાં ખોવાઇ જવું છે પણ,
જ્યારે ઙગલા માંઙતા ખબર પઙી આ વગઙો તો ક્યારનો ખોવાઇ ગયો
ધણો સમય થયો પોતાની રીતે જીવ્યે,
આજે જ્યારે જીવવાની શરૂઆત કરી પણ,
હવે ખબર પઙી આ તો જીવન જ વિખેરાઈ ગયું
ઘણો સમય થયો કંઇક લખ્યે,
આજે ફરી લખવા બેઠી પણ,
શબ્દો જ ખૂટી ગયા
– કિંજલ પટેલ (કિરા)
