દેહની દુકાનના થડે દ્વારકાધીશ

આપણા દેહની દુકાનના થડે દ્વારકાધીશ છે,
એમના ચરણકમળમાં અમારું ઝુકેલું શીશ છે.

રાણાએ મોકલ્યું ને મીરાએ હોંશે પીધુ,
અમારી નસેનસમાં વહેતું એ વિષ છે.

કાલિન્દીના કાંઠે કાનાજીએ રાધાને કરી,
અમારા ગાલે તેની નિશાની અહર્નિશ છે.

ઋકમણીના ઇજને પ્રભુએ અપહરણ કીધા,
અમારી ચેલેન્જ ન ઝીલી તેની સદૈવ રીસ છે.

નરસૈયાની હૂંડી શામળિયા બની સ્વીકારી ,
અમે લખેલી ચિઠ્ઠી રસ્તે રઝળવા તેની ટીસ છે.

આપણા દેહની દુકાનના થડે દ્વારકાધીશ છે,
એમના ચરણકમળમાં ભરતનું ઝુકેલું શીશ છે.

ભરત વૈષ્ણવ