બાજીના પત્તા

હંમેશા એક જ વાત
થાય છે આ જગતમાં
કેમ કરીને હું જીતુ
દુનિયાની આ રમતમાં,

ઊલટી -સીધી બાજી થઈને
પત્તા પડ્યા કરે છે જીવનમાં
પત્તાની એ પરખ કરીને
“ઈશારો” મલકાઈ રહ્યો છે ગમ્મતમાં,

ખીસ્સુ ભરાઈ ગયું છે મારૂ
કેમ કરી ઉભરાવું હું એને
કોઈ ચાલાકી કરી કે પછી
સીધો બનું હું જીવન કેરી આ રમતમાં,

ફટકા એવા મળ્યા કરે છે
હાર-જીતના આ જગતમાં
જીતવા માટે એ બાજી
સૌ કોઈ ચાલ કરે છે રમતમાં,

મન હોય તો માળવે જવાય
કહી દીધું છે તે ગમ્મતમાં
પણ “ઈશારો” આ લખી રહ્યો છે
હંમેશા જીવન કેરી આ રમતમાં…

સંકેત વ્યાસ “ઈશારો”