મૌનનાં અંધારને ભેદાય નહીં
શબ્દનો દીવો યે પ્રગટાવાય નહીં
જાતને પણ એમ શણગારાય નહીં ,
આયના પર ચિત્ર કંઇ દોરાય નહીં !
ઊંડે ઊંડે પાંગરી છે મુગ્ધતા,
અંચળો ઉંમરનો ફંગોળાય નહીં.
સાવ કુંવારી અવસ્થા મીરાં સમ,
મોરપીંછુ કૃષ્ણનું સ્પર્શાય નહીં.
છે અષાઢી વાદળોની આ અસર,
મન અમસ્તું વાછટે ભીંજાય નહીં.
વાંસમાં ઉછરી રહી સરગમ નવી
ખુદને છેદી સૂર રેલાવાય નહીં ?
-પૂર્ણિમા ભટ્ટ
ચહેરા પાછળ ચહેરા પાછળ ચહેરા. સાચ ઉપર આ દંભ,જૂઠના કેટકેટલાં પહેરા. માણસને ના કોઈ ઓળખે. હજાર એના મહોરાં. ચકચકતી એ...
જાણે કે ચોરોએ આખુંયે ઘર લૂંટ્યું હોય છે, મનમાં આવેલું સ્વપ્ન એવું જ તૂટ્યું હોય છે. વીતતી રાતને કોરી ખાય...
રાત જશેને સવાર આવશે , માની લઉ હું ? વરસ નવું દમદાર આવશે , માની લઉ હું ? સૂરજને હું...
માનવનો દેહ લઈને, માનવ બની શક્યો કે? સૌને પૂછે ભલે તું, ખુદને પૂછી શક્યો કે? તારી જ આજુબાજુ, લાખ્ખો રડી...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
