લાગણી છે જરૂર ચર્ચામાં,
માનવી છે જરૂર ચર્ચામાં.
રંગબેરંગી શહેરની આંખે,
સાદગી છે જરૂર ચર્ચામાં.
માનવીના કદમના ડાઘાથી,
ચાંદની છે જરૂર ચર્ચામાં.
એ તબીબોની હાટમાં આજે,
માંદગી છે જરૂર ચર્ચામાં.
ફેસબુક પર ગઝલની બેસૂરી,
વાંસળી છે જરૂર ચર્ચામાં.
ઝાંઝવામાં પસાર થઇ ગઇ ?
નાવડી છે જરૂર ચર્ચામાં.
સત્યવાદીના કારણે ‘ સિદ્દીક’,
આરસી છે જરૂર ચર્ચામાં.
સિદ્દીકભરૂચી.
ફૂલને ક્યાં કાયમ ભ્રમર સંગત હોય છે, ગૂંજન કરી એ ચૂમે એની રંગત હોય છે. વૃત્તિથી નાહક કેવો બદનામ થયો...
ઝેરનો પ્રશ્ન ક્યાં છે, ઝેર તો હું પી ગયો, આ બધાને એ જ વાંધો છે કે હું જીવી ગયો. હું...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
માન્યતા જૂદી તમારી, મારી શ્રદ્ધા છે જૂદી બેઉને બંને મુબારક, શું જરુર વિખવાદની ? તમને જે લાગે તે હોવાનું જ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
