આંગણે રૂડો આવકાર હોય
ચૂલે લાપસીના આંધણ હોય
સમ આપી હેતે જમણવાર હોય
આવો ઘરનો વિકાસ હોય…
માણસ માણસ વચ્ચે હેત હોય
રામ રામના રોજ પડકારા હોય
પડે સાંજ ને પાદરે ડાયરા હોય
આવો ગામનો વિકાસ હોય….
મનમાં હરદમ સમૃદ્ધ વિચાર હોય
વિચાર કાજે સમયસર અમલ હોય
ને એજ કામે અનેરી નિષ્ઠા હોય
આવો માણસનો વિકાસ હોય….
કોઇના દર્દે દિલ દ્રવી ઉઠતું હોય
મળી માણસને હૈયું છલકતું હોય
મશીનો વચ્ચે રહી હૈયું ધબકતુ હોય
આવો જ “નીલ ” જીવતરનો વિકાસ હોય….
નિલેશ બગથરિયા
“નીલ “
આડી ને અવળી હોય છે હસ્તરેખાઓ, કદી ક્યાં સવળી હોય છે હસ્તરેખાઓ. પિંડ સાથે એ તો રચી હોય વિધાતાએ, કયાં...
ચકલીઓનો મીઠો ચહેકાર મારી આંખ ખોલે તો! વળી, એનો પૂરો પરિવાર મારી આંખ ખોલે તો! પ્રભાતે આંગણે આવે વિહરવા ઢેલ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
આજ મને મોરપીંછનાં શુકન થયાં, સખી…. ચપટી નીંદર વીણવા અમે ટેવનાં માર્યાઁ બોરડી કને ગયાં, સખી આજ મને મોરપીંછનાં શુકન...
દધીચી થકી જ વ્રજ થાય છે જે કરે છે તેની જ ફરજ થાય છે આદરનો મતલબ ગરજ થાય છે પ્રાણ...
પકડો કલમ ને કોઈ પળે, એમ પણ બને આ હાથ આખે આખો બળે, એમ પણ બને જ્યાં પહોંચવાની ઝંખના વરસોથી...
