કૉરોના

બચવા કૉરોનાથી જાળવ્યું થોડું અંતર,
એહસાસ થયો કે આપણે નજીક હતા

હસ્તધનૂન લાગતું વ્હાલું ખુબ સૌને ,
હવે લાગે છે, નમસ્તેમાં જ ઠીક હતા

આવતા–જતા હાથ ધોવાની રીત સાદી,
વડીલો ના ઉપાયો સઘળાં, સટીક હતા

ખાંસી ખાતા વાળતા મુઠ્ઠી એ રીતે કે,
હથેળીમાં જાણે, કોઈ એન્ટિસેપ્ટિક હતા

હાથ–મોઢું લુંછવા રાખતા, ખભે પછેડી,
એમનાં સેનિટાઇઝર, સાવ નિર્ભીક હતા

આવો અપનાવીએ ફરીથી એ સંસ્કૃતિ,
જ્યાં અંતરથી દૂર, મનથી સમીપ હતા

મિટાવી દઈએ કૉરોનાનું વજૂદ જડથી,
યાદ રહે એટલું જ, આપણે નજીક હતા