ઇશ્વર

“ઠોકરની સાથે નામ તુજ લેવાય છે ઇશ્વર,
તું કેવો અકસ્માત થી સર્જાય છે ઇશ્વર..

હેઠા મુકાશે હાથ ને ભેગા થશે પછી જ,
કોશિશ જ્યાં પતે, ત્યાં જ શરૂ થાય છે ઇશ્વર..

જો દૂર પેલી વસ્તી માં ભૂખ્યાં છે ભૂલકાં,
લાગે છે તને દૂર ના ચશ્માં છે ઇશ્વર..

કહે છે કે તું પેલા મંદિર-મસ્જિદ માં છે હાજરાહજુર,
તું પણ શું ચકાચૌન્ધ થી અંજાય1છે ઇશ્વર..

થોડા જગતનાં આંસુ અને થોડા ‘મરીઝ’ ના શેર,
લાવ્યો છું જુદી પ્રાર્થના, સંભળાય છે ઇશ્વર..??

તારા માં હું ય માનતો થઈ જાવ છું જ્યારે,
મારા માં તું ય માનતો થઈ જાય છે ઇશ્વર..

ઠોકર ની સાથે નામ તુજ લેવાય છે ઇશ્વર,
તું કેવો અકસ્માત થી સર્જાય છે ઇશ્વર..”