શું કરવી મનમાની કોરા કાગળમાં?
ઉપસે એજ કહાની કોરા કાગળમાં.
ઉપસે એજ કહાની કોરા કાગળમાં.
સો પત્રોના પ્રત્યુત્તરમાં આવી’તી
ઝાંખી એક નિશાની કોરા કાગળમાં.
ઝાંખી એક નિશાની કોરા કાગળમાં.
કિસ્મતના કાગળમાં એવી ક્યાં મળતી?
જે મળતી આસાની કોરા કાગળમાં!
જે મળતી આસાની કોરા કાગળમાં!
બાંધેલો રાખે છે લાંબા અરસાથી,
જીદ મને પોતાની કોરા કાગળમાં.
જીદ મને પોતાની કોરા કાગળમાં.
શેર જણાવે છે કે ઉતરી આવી છે,
ચહેરા પરથી ગ્લાનિ કોરા કાગળમાં.
ચહેરા પરથી ગ્લાનિ કોરા કાગળમાં.
રાખી દે છે એવી શરતો જીવન કે,
જાણે સહી કરવાની કોરા કાગળમાં.
જાણે સહી કરવાની કોરા કાગળમાં.
બોજ હૃદયનો ઓછો કરવા રોજ ‘અગન’
બે પંક્તિ લખવાની કોરા કાગળમાં!
બે પંક્તિ લખવાની કોરા કાગળમાં!
-‘અગન’ રાજ્યગુરુ
