આજ ખંખેરી હૃદયથી ધૂળ જોવા દે;
ક્યાં સુધી તારાં સ્મરણનું મૂળ જોવા દે?
છેક દરિયા લગ પગેરું પ્હોંચશે એનું,
આંખમાંનાં આંસુઓનું કૂળ જોવા દે.
સ્હેજ ઝૂકી જાત સામે જાતને રાખી,
કોણ અંદરથી થયું નિર્મૂળ જોવા દે!
આ વખતના દર્દની પણ જીદ કેવી છે!
લાગણીઓ કેટલી છે સ્થૂળ જોવા દે!
કોઈ અડવાણું ગયું એ છાપ છે ‘બેદિલ’,
ખૂબ તંતોતંત રાખી શૂળ જોવા દે.
– અશોક ચાવડા ‘બેદિલ’
ચકડોળ સાથે ચાલતાં વારામાં હું નથી. પોકળ ગગનમાં ગુંજતા નારામાં હું નથી. તારાં મિલનની જો હવે કેવી થઈ અસર, ચાલી રહ્યા છે શ્વાસ પણ...
ઊંઘવાની વાત હમણાં ભૂલવા લાગ્યો છું હું, રોજ શમણામાંય હમણાં બોલવા લાગ્યો છું હું, આપના મળ્યા પછી બદલાવ આવ્યો છે...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
માન્યતા જૂદી તમારી, મારી શ્રદ્ધા છે જૂદી બેઉને બંને મુબારક, શું જરુર વિખવાદની ? તમને જે લાગે તે હોવાનું જ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
