જિંદગી કંઈ એટલી ખારી નથી!
ટેવ બસ ફરિયાદની સારી નથી
તે ચહ્યું એ ના મળ્યું તો શું થયું?
કોણે અહીં ઈચ્છા કદી મારી નથી!
એક જ ઘરમાં કેટલી ભીંતો ચણી!
સગપણોમાં ક્યાંય પણ બારી નથી
રક્તનું થીજી જવું પોસાય નહીં
આગ દિલની એટલે ઠારી નથી
હો કછોરું તોય રાખે હેતથી
મા એ મા છે કોઈ વેપારી નથી
આમ તો એ મારું જાણે બીંબ છે
જિંદગી આ મારી અણધારી નથી
શાંત સમજી મોરચા સંકેલ નહીં
થાકી છુ બસ, હું હજી હારી નથી
– કિરણ ‘રોશન’
ફૂલને ક્યાં કાયમ ભ્રમર સંગત હોય છે, ગૂંજન કરી એ ચૂમે એની રંગત હોય છે. વૃત્તિથી નાહક કેવો બદનામ થયો...
ઝેરનો પ્રશ્ન ક્યાં છે, ઝેર તો હું પી ગયો, આ બધાને એ જ વાંધો છે કે હું જીવી ગયો. હું...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
માન્યતા જૂદી તમારી, મારી શ્રદ્ધા છે જૂદી બેઉને બંને મુબારક, શું જરુર વિખવાદની ? તમને જે લાગે તે હોવાનું જ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
