આદિથી લઇ અંતમાં તારા વિચારો હોય છે,
મૃત્યુથી જીવંતમાં તારા વિચારો હોય છે.
શાંતિથી બેઠો રહું કે કર્મ કરતો હોઉં છું,
જિંદગીનાં ખંતમાં તારા વિચારો હોય છે.
રાગ કે વૈરાગ્ય સરખા હોય છે જેને અહીં,
એવાં સાચાં સંતમાં તારા વિચારો હોય છે.
સર્વવ્યાપી હોય છે તારૂં બધે હાજર થવું,
શૂન્યમાંથી અનંતમાં તારા વિચારો હોય છે.
એક ચાદર શ્વાસને સાક્ષી કરી વણતો રહ્યો,
ને બધાં એ તંતમાં તારા વિચારો હોય છે.
-ડૉ. મનોજકુમાર “પારસ”
ચહેરા પાછળ ચહેરા પાછળ ચહેરા. સાચ ઉપર આ દંભ,જૂઠના કેટકેટલાં પહેરા. માણસને ના કોઈ ઓળખે. હજાર એના મહોરાં. ચકચકતી એ...
જાણે કે ચોરોએ આખુંયે ઘર લૂંટ્યું હોય છે, મનમાં આવેલું સ્વપ્ન એવું જ તૂટ્યું હોય છે. વીતતી રાતને કોરી ખાય...
રાત જશેને સવાર આવશે , માની લઉ હું ? વરસ નવું દમદાર આવશે , માની લઉ હું ? સૂરજને હું...
માનવનો દેહ લઈને, માનવ બની શક્યો કે? સૌને પૂછે ભલે તું, ખુદને પૂછી શક્યો કે? તારી જ આજુબાજુ, લાખ્ખો રડી...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
