તું જ મારી વારતામાં છે બધે,
સાચમાં કે ધારણાંમાં છે બધે.
દ્વાર મારાં એટલે ખુલ્લાં રહ્યાં,
એક તું બસ આંગણાંમાં છે બધે.
હું હવે મારા વિશે બોલું નહીં,
મૌનનાં તું દાયરામાં છે બધે.
તું જ ટીપે છે અને તું થાબડે,
તું જીવનનાં ચાકડામાં છે બધે.
ક્યાંક ‘ને ક્યારેક તો ભીંજાઈશું,
તું જ ઉપર વાદળામાં છે બધે.
લાગણી તો રોજ જો ચૂંથાય છે,
લોક ‘હું’ની વાસનામાં છે બધે.
તેં દીધેલાં શ્વાસ જે ગણતો નથી,
એ જ માણસ આંકડામાં છે બધે.
રોજ ઈશ્વર કેટલો લજવાય છે,
કેમ કે તે આપણામાં છે બધે.
– અર્પણ ક્રિસ્ટી
ઝેરનો પ્રશ્ન ક્યાં છે, ઝેર તો હું પી ગયો, આ બધાને એ જ વાંધો છે કે હું જીવી ગયો. હું...
ત્યાગ માં ક્યાં કંઈ મહિમા જેવું લાગે છે? સહુ ને એમાં હસવા જેવું લાગે છે! આજે કોઈ જોઈ રહ્યું છે...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
માન્યતા જૂદી તમારી, મારી શ્રદ્ધા છે જૂદી બેઉને બંને મુબારક, શું જરુર વિખવાદની ? તમને જે લાગે તે હોવાનું જ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
