ચાલાકી વાપરીશ, તો એને નહીં ગમે,
ખોટો જો થરથરીશ, તો એને નહીં ગમે.
એણે તો પાનખરની વ્યવસ્થા કરી જ છે,
તારી રીતે ખરીશ, તો એને નહીં ગમે.
આવ્યો હો વારો બારી ઉપર એની માંડ-માંડ
જો એ ક્ષણે સરીશ, તો એને નહીં ગમે
દર્શન તો શું? તરસતું જગત જેના ભાસને
એનામાં ઊતરીશ, તો એને નહીં ગમે
રાખે છે તારું ધ્યાન ભલેને એ હરપળે
જો એવું તું કરીશ, તો એને નહીં ગમે
માની રહ્યો છે એ તને ટોળાથી કૈં અલગ
જો તું ય કરગરીશ, તો એને નહીં ગમે
ભાવેશ ભટ્ટ
મોટા ભાઈને પગલે-પગલે, ચાલે જે નાનો ભાઈ, અંતરથી જે અનુસરે, અનુજ એ કહેવાય. રઘુનંદનનો પડછાયો થઈ, લક્ષ્મણ વનમાં જાય. શત્રુઘ્નને...
સ્વાર્થ વધ્યા ને સંવેદના ખૂટી,કોના વાંકે? મોહ વધ્યો ને મમતા છૂટી,કોના વાંકે? સંબંધોની દોર છે તૂટી, કોના વાંકે? વ્હાલની એ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
આજ મને મોરપીંછનાં શુકન થયાં, સખી…. ચપટી નીંદર વીણવા અમે ટેવનાં માર્યાઁ બોરડી કને ગયાં, સખી આજ મને મોરપીંછનાં શુકન...
દધીચી થકી જ વ્રજ થાય છે જે કરે છે તેની જ ફરજ થાય છે આદરનો મતલબ ગરજ થાય છે પ્રાણ...
પકડો કલમ ને કોઈ પળે, એમ પણ બને આ હાથ આખે આખો બળે, એમ પણ બને જ્યાં પહોંચવાની ઝંખના વરસોથી...
