એક નાનું બીજ ફણગે તો મજા આવે,
મન મહીં પાયલ જો રણકે તો મજા આવે.
ચોતરફ છે હિમ ને થથરી રહે છે ચેતના,
તાપણું હૂંફ નું જો તણખે તો મજા આવે.
એ ઊભો ચે આજ પ્હેરી ને નરી નિષ્ઠુરતા,
કોઇ એના દિલને અડકે તો મજા આવે.
સાવ સૂકા પાંદડાની આ ઋતુ શા કામની?
વનતણાં જો વૃક્ષ મલકે તો મજા આવે.
પ્રશ્ન પૂછી આમ એ બેસી રહ્યાં નિર્લેપ શા!
આંખ માં ઉત્તર જો ચમકે તો મજા આવે.
છે સીધી સટ જિંદગી ‘આનંદ’ ક્યાં રોમાંચ છે,
કંઇક તૂટે, દિલ જો વલખે તો મજા આવે.
-અશોક જાની “આનંદ”
ચહેરા પાછળ ચહેરા પાછળ ચહેરા. સાચ ઉપર આ દંભ,જૂઠના કેટકેટલાં પહેરા. માણસને ના કોઈ ઓળખે. હજાર એના મહોરાં. ચકચકતી એ...
જાણે કે ચોરોએ આખુંયે ઘર લૂંટ્યું હોય છે, મનમાં આવેલું સ્વપ્ન એવું જ તૂટ્યું હોય છે. વીતતી રાતને કોરી ખાય...
રાત જશેને સવાર આવશે , માની લઉ હું ? વરસ નવું દમદાર આવશે , માની લઉ હું ? સૂરજને હું...
માનવનો દેહ લઈને, માનવ બની શક્યો કે? સૌને પૂછે ભલે તું, ખુદને પૂછી શક્યો કે? તારી જ આજુબાજુ, લાખ્ખો રડી...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
