સમયને સાંકળે બાંધી શકો તો વાત જુદી છે,
ગ્રહોની ચાલ બદલાવી શકો તો વાત જુદી છે.
જગત આખુંય યાચક ને ખુદા છે એકલો દાતાર,
કશું ના માંગવુ, માંગી શકો તો વાત જુદી છે.
અરીસો સાફ કરશો તો ચમક આવી જશે પાછી,
તમે યૌવન પરત લાવી શકો તો વાત જુદી છે.
દીવાલો તોડવાનું છે સરળ મસ્જિદ , મંદિરની,
તીરાડો ધર્મની સાંધી શકો તો વાત જુદી છે.
વધેલી ડાળ કાપી નાંખવામાં છે સમજદારી,
વધારેલો અહમ કાપી શકો તો વાત જુદી છે.
નહીં પ્હોંચી શકો”સાગર” સુધી એનું દરદ જોવા,
નદીના દર્દને જાણી શકો તો વાત જુદી છે.
આડી ને અવળી હોય છે હસ્તરેખાઓ, કદી ક્યાં સવળી હોય છે હસ્તરેખાઓ. પિંડ સાથે એ તો રચી હોય વિધાતાએ, કયાં...
ચકલીઓનો મીઠો ચહેકાર મારી આંખ ખોલે તો! વળી, એનો પૂરો પરિવાર મારી આંખ ખોલે તો! પ્રભાતે આંગણે આવે વિહરવા ઢેલ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
આજ મને મોરપીંછનાં શુકન થયાં, સખી…. ચપટી નીંદર વીણવા અમે ટેવનાં માર્યાઁ બોરડી કને ગયાં, સખી આજ મને મોરપીંછનાં શુકન...
દધીચી થકી જ વ્રજ થાય છે જે કરે છે તેની જ ફરજ થાય છે આદરનો મતલબ ગરજ થાય છે પ્રાણ...
પકડો કલમ ને કોઈ પળે, એમ પણ બને આ હાથ આખે આખો બળે, એમ પણ બને જ્યાં પહોંચવાની ઝંખના વરસોથી...
