આગ, જળ, ધૂળ ને હવા સાથે;
ના કરો ખેલ આપદા સાથે.
કર્મ ને ધર્મનું તો એવું છે;
આપણી વાત આપણા સાથે.
ફાયદો કોઈ રીતે ના પ્હોંચ્યો;
દોસ્તી છે તો ભલભલા સાથે.
ચાહે ગમતી હો,ચાહે અણગમતી;
જીવવું પડશે ગ્રહદશા સાથે.
ત્યાં ખુદા પણ કશું કરી ન શકે;
દુશ્મની જો હો નાખુદા સાથે.
મુંઝવણમાં તબીબ તો નક્કી;
રોગ આવ્યા છે દોડતા સાથે.
સત્યના કારણે કહી ન શકું;
તીવ્ર મતભેદ છે કેટલા સાથે.
મન ન માને છતાં તમે “નાશાદ”;
ભીડમાં રહેજો આસ્થા સાથે.
ગુલામ અબ્બાસ ‘નાશાદ’
ઝેરનો પ્રશ્ન ક્યાં છે, ઝેર તો હું પી ગયો, આ બધાને એ જ વાંધો છે કે હું જીવી ગયો. હું...
ત્યાગ માં ક્યાં કંઈ મહિમા જેવું લાગે છે? સહુ ને એમાં હસવા જેવું લાગે છે! આજે કોઈ જોઈ રહ્યું છે...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
માન્યતા જૂદી તમારી, મારી શ્રદ્ધા છે જૂદી બેઉને બંને મુબારક, શું જરુર વિખવાદની ? તમને જે લાગે તે હોવાનું જ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
