ગઝલ
ખીંટીઓ વિશ્વાસની ખોડાઈ છે,
એની પર શંકાઓ લટકાવાઈ છે!
એક તો રસ્તા જ છે વાંકાચૂકા,
ને વળી પગની અવળચંડાઈ છે!
આંખ તો સઘળું જુએ છે બાપડી,
માત્ર જોવાની રુચિ મીંચાઈ છે.
ના કર્યો માળો છબી પર ચકલીએ,
ગામમાં મારી છબી ખરડાઈ છે!
હું સમયસર થઈ શક્યો નહિ વાંસળી,
તેથી એના આંગણે શરણાઈ છે.
જેટલા પ્યાલા અધૂરા રહી ગયા,
એટલાઓની તરસ છલકાઈ છે.
હું સતત કઠણાઈમાં પણ ખુશ રહ્યો,
તો હવે, કઠણાઈને કઠણાઈ છે.
– અનિલ ચાવડા
ફૂલને ક્યાં કાયમ ભ્રમર સંગત હોય છે, ગૂંજન કરી એ ચૂમે એની રંગત હોય છે. વૃત્તિથી નાહક કેવો બદનામ થયો...
ઝેરનો પ્રશ્ન ક્યાં છે, ઝેર તો હું પી ગયો, આ બધાને એ જ વાંધો છે કે હું જીવી ગયો. હું...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
માન્યતા જૂદી તમારી, મારી શ્રદ્ધા છે જૂદી બેઉને બંને મુબારક, શું જરુર વિખવાદની ? તમને જે લાગે તે હોવાનું જ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
