સૌ પ્રવાસીઓને એની જાણ છે;
આપણે બેઠા એ ખોટું વ્હાણ છે!
કોઈ તલસે શ્વાસ ચાલુ રાખવા,
કોઈને ચાલે છે એ મોકાણ છે!
આ જનમમાં પણ બન્યો હું માછલી,
આ જનમમાં પણ નસીબે બાણ છે.
એમ માની ભૂસકો માર્યો હતો,
તારી અંદર પૂરતું ઊંડાણ છે.
ખાંડના કણ જેટલું સુખ પામવા,
કીડીઓમાં જબરી તાણમતાણ છે!
એની પર મતભેદની ઉલ્કા પડી,
તેથી એ સંબંધ કચ્ચરઘાણ છે.
છે અજાણ્યો ચંદ્ર તારા ભાલ પર,
મારી આંખે ભરતીના એંધાણ છે.
– અનિલ ચાવડા
આડી ને અવળી હોય છે હસ્તરેખાઓ, કદી ક્યાં સવળી હોય છે હસ્તરેખાઓ. પિંડ સાથે એ તો રચી હોય વિધાતાએ, કયાં...
ચકલીઓનો મીઠો ચહેકાર મારી આંખ ખોલે તો! વળી, એનો પૂરો પરિવાર મારી આંખ ખોલે તો! પ્રભાતે આંગણે આવે વિહરવા ઢેલ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
આજ મને મોરપીંછનાં શુકન થયાં, સખી…. ચપટી નીંદર વીણવા અમે ટેવનાં માર્યાઁ બોરડી કને ગયાં, સખી આજ મને મોરપીંછનાં શુકન...
દધીચી થકી જ વ્રજ થાય છે જે કરે છે તેની જ ફરજ થાય છે આદરનો મતલબ ગરજ થાય છે પ્રાણ...
પકડો કલમ ને કોઈ પળે, એમ પણ બને આ હાથ આખે આખો બળે, એમ પણ બને જ્યાં પહોંચવાની ઝંખના વરસોથી...
