એમ પંખીને બચાવે, વૃક્ષ બીજું શું કરે?
એ પતંગોને ફસાવે, વૃક્ષ બીજું શું કરે?
જો પવન પૂછે કે તારે ઊડવું છે સાથમાં?
ફક્ત ડાળીઓ હલાવે, વૃક્ષ બીજું શું કરે?
છાંયડો દેતી ધરાશાયી થયેલી વૃક્ષતા;
બાંકડો થઈ ને બચાવે, વૃક્ષ બીજું શું કરે?
વ્યક્ત કરવા ભાવ, એ કાગળ બને કે ના બને;
પાનમાં રંગો પૂરાવે, વૃક્ષ બીજું શું કરે?
કોકિલોના કંઠમાં રેડી સુગંધી તાજગી;
સૂર વાસંતી સુણાવે, વૃક્ષ બીજું શું કરે?
કોક એને એમ પૂછે જિંદગીનો અર્થ શું?
તો નવી કૂંપળ બતાવે, વૃક્ષ બીજું શું કરે?
શ્યામલ મુનશી.
આડી ને અવળી હોય છે હસ્તરેખાઓ, કદી ક્યાં સવળી હોય છે હસ્તરેખાઓ. પિંડ સાથે એ તો રચી હોય વિધાતાએ, કયાં...
ચકલીઓનો મીઠો ચહેકાર મારી આંખ ખોલે તો! વળી, એનો પૂરો પરિવાર મારી આંખ ખોલે તો! પ્રભાતે આંગણે આવે વિહરવા ઢેલ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
આજ મને મોરપીંછનાં શુકન થયાં, સખી…. ચપટી નીંદર વીણવા અમે ટેવનાં માર્યાઁ બોરડી કને ગયાં, સખી આજ મને મોરપીંછનાં શુકન...
દધીચી થકી જ વ્રજ થાય છે જે કરે છે તેની જ ફરજ થાય છે આદરનો મતલબ ગરજ થાય છે પ્રાણ...
પકડો કલમ ને કોઈ પળે, એમ પણ બને આ હાથ આખે આખો બળે, એમ પણ બને જ્યાં પહોંચવાની ઝંખના વરસોથી...
