અશ્રુની સૈયારી ધારાઃ
સૈયારી નિઃશ્વાસે જ્વાળા !
પ્રેમ સૈયારી પીડાઃ
આ છે ખાકે સૈયારી – વ્હાલા સૈયારી !
સાથી ના મૂકીને જાશેઃ
સાથી સાથે રોશે, ગાશેઃ
દિલની ખાક દિલે ચોળશેઃ
ચોળો હર્ષે સૈયારી – વ્હાલા સૈયારી !
શાનાં સૈયારી વિણ સુખડાં ?
સૈયારી ત્યાં શાનાં દુઃખડાં:
તોફાને હસાવીશું મુખડાં:
લાવો નૌકા સૈયારી – વ્હાલાં સૈયારી !
સૈયારી સપનામાં આવ્યાં:
કફની આ ભગવી ત્યાં લાવ્યાં:
પ્હેરાવીને ના પ્હેરી કાં ?
આવો આવો, સૈયારી – વ્હાલા સૈયારી !
વ્હાલા ! આપુ જે પામ્યો તેઃ
વ્હાલા ! પામુ જે આપ્યું છેઃ
સૈયારી જગવી’તી હોળીઃ
લેવી સૈયારી ઝોળી – વ્હાલા સૈયારી !
– કલાપી..
