એક જણ કટ્ટર હદે ધાર્મિક હતો.
ને વળી કહેતો હતો આસ્તિક હતો.
ક્યાં તમારો પ્રશ્ન પણ હાર્દિક હતો?
મારો ઉત્તર એટલે બૌદ્ધિક હતો.
જે દિલાસો દિલમાં વાસો ના કરે;
માનજો એ ખરખરો શાબ્દિક હતો.
એમ બોલ્યો ” હાથ ધોવા દો પ્રભુ”;
નાવનો આ વખતે જે માલિક હતો.
પૂછજો એકાંત એનું અન્યને;
ભીડમાં તો સો ટકા નૈતિક હતો.
એ જીવ્યો પણ ને મર્યો પણ એ રીતે;
આત્મનિર્ભરતા વિષે મૌલિક હતો
ખાસ લોકો ને જ આમંત્રણ હતું;
કાર્યક્રમ આખો જે સાંસ્કૃતિક હતો.
ગૌરાંગ ઠાકર
ફૂલને ક્યાં કાયમ ભ્રમર સંગત હોય છે, ગૂંજન કરી એ ચૂમે એની રંગત હોય છે. વૃત્તિથી નાહક કેવો બદનામ થયો...
ઝેરનો પ્રશ્ન ક્યાં છે, ઝેર તો હું પી ગયો, આ બધાને એ જ વાંધો છે કે હું જીવી ગયો. હું...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
માન્યતા જૂદી તમારી, મારી શ્રદ્ધા છે જૂદી બેઉને બંને મુબારક, શું જરુર વિખવાદની ? તમને જે લાગે તે હોવાનું જ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
