કેટલો પ્રયત્ન કર્યો મેં –
તારી ઇચ્છા પ્રમાણેનાં બીબાંમાં ઢળી જવાનો.
તને ગમતાં કપડાં – તને ગમતી વાતો
તને ગમતાં ગીતો – તને ગમતા લોકો
અને તને ગમતી હું.
– આ બધાં વચ્ચે મારું ગમતું કશું નહીં
સિવાય તું – !
જો કે તારી સાથે હું કેટલી બધી પ્રોટેક્ટેડ…
તારા ખભા બધો ભાર ઝીલી લે એવા.
તારો શ્વાસે-શ્વાસ આધાર મારા વિશ્વાસનો.
તું મારી દીવાલ – અણનમ અને અતૂટ
અને તોયે ઘણી વાર
હું દીવાલ વચ્ચે શોધ્યા કરું બારી.
અને મથું મને ગમતા આકાશનો ટુકડો શોધવા.
એ ચોરસ આકાશના ટુકડામાં
પંખીઓ ઉડાડવાનું – ઝાડવાં ઝુલાવવાનું –
ટહુકાઓ શોધવાનું મને ગમે તો બહુ
પણ – મને ગમતું કશું નહીં.
સિવાય – તું !
તું મારો આધાર
અને
હું માછલી
દરિયામાં રહેલી તોય તરફડતી !
ફૂલને ક્યાં કાયમ ભ્રમર સંગત હોય છે
ફૂલને ક્યાં કાયમ ભ્રમર સંગત હોય છે, ગૂંજન કરી એ ચૂમે એની રંગત હોય છે. વૃત્તિથી નાહક કેવો બદનામ થયો...
