છુપાવું યાદનો અવસર, મને ના આવડે એવું.
કહું હું આંખમાં કસ્તર, મને ના આવડે એવું.
મને તું પ્રશ્ન પૂછે ને તને ગમતો સદા એવો,
તરત આપી શકું ઉત્તર, મને ના આવડે એવું.
કદી લૂછી શકું તો એક આંસુ લૂછવું મારે,
રહે ક્યાં લોકમાં ઈશ્વર, મને ના આવડે એવું.
ઘરે તું આંગણામાં ચણ અને જળ-ઠીબ રાખે છે,
અહીં ગોફણ મહીં પથ્થર, મને ના આવડે એવું.
અહીં તો એક વત્તા એક ધારો તેટલા થાયે,
બધાનું છે અલગ ભણતર, મને ના આવડે એવું.
વિશાલ જોષી “સ્નેહ”
મોટા ભાઈને પગલે-પગલે, ચાલે જે નાનો ભાઈ, અંતરથી જે અનુસરે, અનુજ એ કહેવાય. રઘુનંદનનો પડછાયો થઈ, લક્ષ્મણ વનમાં જાય. શત્રુઘ્નને...
સ્વાર્થ વધ્યા ને સંવેદના ખૂટી,કોના વાંકે? મોહ વધ્યો ને મમતા છૂટી,કોના વાંકે? સંબંધોની દોર છે તૂટી, કોના વાંકે? વ્હાલની એ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
આજ મને મોરપીંછનાં શુકન થયાં, સખી…. ચપટી નીંદર વીણવા અમે ટેવનાં માર્યાઁ બોરડી કને ગયાં, સખી આજ મને મોરપીંછનાં શુકન...
દધીચી થકી જ વ્રજ થાય છે જે કરે છે તેની જ ફરજ થાય છે આદરનો મતલબ ગરજ થાય છે પ્રાણ...
પકડો કલમ ને કોઈ પળે, એમ પણ બને આ હાથ આખે આખો બળે, એમ પણ બને જ્યાં પહોંચવાની ઝંખના વરસોથી...
