મોહ તારો ક્યાં લઈ જશે ક્યાં ખબર હોતી અમોને,
સાવ આવું પણ કંઈ થશે, ક્યાં ખબર હોતી અમોને.
કે ગયા’તા ત્યાં અમે ફરિયાદ લઈને, તોય જો ને,
પ્રેમની વાતો થઈ જશે, ક્યાં ખબર હોતી અમોને.
એમની તસવીરને જાતે બનાવાની હતી પણ,
હુ-બ-હુ એવી નઈ થશે, ક્યાં ખબર હોતી અમોને.
ને અમોને એમ કે એ ગઈ હશે બસ હોઠ સુધી,
એ રગેરગમાં ગઈ હશે, ક્યાં ખબર હોતી અમોને.
જોઈતી’તી અક્ષ, અમથી કો જગા એમનાં દિલમાં,
એમનાં દિલમાં કોઈ હશે, ક્યાં ખબર હોતી અમોને.
– અક્ષય ધામેચા
ગાંધી મૂલ્યોનો દેખાડો કરી નેતાઓ ચૂંટાય છે બાપુ, સ્વતંત્ર ભારત સમસ્યામાં સતત જકડાય છે બાપુ. સત્યના પ્રયોગ તમારા પુસ્તક પૂરતા...
પુષ્પો પ્રણયના લઈ અમે ઉંબર સુધી ગયા, સંવાદી સ્પંદનો ભરી ભીતર સુધી ગયા. સમજી ગયા‘તા પ્રશ્ન એ, ને અવગણી રહ્યાં;...
માનવનો દેહ લઈને, માનવ બની શક્યો કે? સૌને પૂછે ભલે તું, ખુદને પૂછી શક્યો કે? તારી જ આજુબાજુ, લાખ્ખો રડી...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
માન્યતા જૂદી તમારી, મારી શ્રદ્ધા છે જૂદી બેઉને બંને મુબારક, શું જરુર વિખવાદની ? તમને જે લાગે તે હોવાનું જ...
