સેંકડો પ્રશ્નો દિલે ખટક્યા કરે છે,
કૈક ડૂમો થઈ ગળે અટક્યા કરે છે..
કેમ મારું દિલ કદી શંકર થયું નહિ?
ઝેર તો દરરોજ એ ગટક્યા કરે છે!
એષણા પાળી ‘તી સુખથી બેસવાની,
એ જ કીટક થઈ હવે ચટક્યા કરે છે!
સ્વપ્ન જૂનાં માંડ થોડાં થાય પૂરાં,
ત્યાં નવાં, તલવાર થઈ લટક્યાં કરે છે!
સાધનાથી મેં સતત મનને ઘડ્યું છે,
તોય એ શાને બધે ભટક્યા કરે છે?
કેમ ઈચ્છાઓ બરડ થઈ આટલી!
એ નજીવી વાતમાં બટક્યાં કરે છે..
ખૂબ ‘ધીરજ’થી જીવનભર કેળવ્યું છે,
તે છતાં શાને મગજ ફટક્યા કરે છે?
ડૉ. ધીરજ એસ. બલદાણિયા
ઝેરનો પ્રશ્ન ક્યાં છે, ઝેર તો હું પી ગયો, આ બધાને એ જ વાંધો છે કે હું જીવી ગયો. હું...
ત્યાગ માં ક્યાં કંઈ મહિમા જેવું લાગે છે? સહુ ને એમાં હસવા જેવું લાગે છે! આજે કોઈ જોઈ રહ્યું છે...
બાપ્પા નો થાળ.... બાપ્પા ઓ બાપ્પા, ગણપતિ બાપ્પા, જમવા પધારો, ગણપતિ બાપ્પા... છપ્પન ભોગ છે, એમાં મારો પ્રેમ છે, વિધ...
મિત્રો છે પદ મીરાંના મિત્રો ભજન પ્રભાતી મિત્રોના દમ ઉપર છે અણનમ અમારી છાતી મિત્રોએ સાચવ્યો છે લથડી પડયો હું...
માન્યતા જૂદી તમારી, મારી શ્રદ્ધા છે જૂદી બેઉને બંને મુબારક, શું જરુર વિખવાદની ? તમને જે લાગે તે હોવાનું જ...
હવે તો પાછો આવી જાને કાન્હા વાદો તારો નિભાવી જાને કાન્હા તે કીધું તું કે જન્મીશ હું યુગે યુગે સજ્જનો...
