તમને શું કરી જમાડું ?

અમેરિકામા પત્ની જ્યારે પણ વીક એન્ડ આવે ત્યારે પૂછતી કે બોલો આજે જમવામાં શું બનાવું ?

એ ઓલવેઝ સામે પૂછતો તું શું જમાડે છે ? તે ઉપરથી એક સરસ કવિતા છે,

જે તમને કદાચ ગમશે..
રચયિતાના નામની ખબર નથી.

મારા વીક એન્ડના ભરથાર
તમને શું કરી જમાડું ?

સાત પકવાન ફ્રિજમાં સૂતા છે,
કહો તો તેને જગાડું..
મારા વીક એન્ડના ભરથાર
તમને શું કરી જમાડું ?

સોમવારની સબ્જી પડી છે,
મંગળવારના મૂઠિયાં –

કહો તો તેને બહાર કાઢીને
માઇક્રોઓવનમાં ગરમાડું.
મારા વીક એન્ડના ભરથાર
તમને શું કરી જમાડું ?

બુધવારની બિરિયાની પડી છે,
ને ગુરુવારના ગોટા –

કહો તો તેને બહાર કાઢીને
ફરી નવા તેલે તળાવું

મારા વીક એન્ડના ભરથાર
તમને શું કરી જમાડું ?

શુક્રવારનો શિરો પડ્યો છે,
ને શનિવારના શેવલા –

કહો તો તેને બહાર કાઢીને
ફરી નવા ઘીએ સાંતળાવુ..;

મારા વીક એન્ડના ભરથાર
તમને શું કરી જમાડું ?

રવિવારે તો મંદિર જમ્યા ‘તા,
રવિવાર ન વધે કાંઇ –

કહો તો મદિર દર્શને જઈએ
ત્યાં કરીએ પરબારું ..

મારા વીક એન્ડના ભરથાર
તમને શું કરી જમાડું ?